Микробиологот Никола Пановски, предупредува дека главните ризици за ширење на коронавирусот се растојанието помало од два метра помеѓу луѓето, подолгиот контакт од 20 минути, како и зборувањето, кашлањето, кивањето и пеењето за време на контактот.
Тој вели дека единствената заштита од инфекцијата е да се одбегнуваат долги контакти со луѓето, а исто така посочува дека рестораните и кафулињата ги исполнуваат сите услови за пренос на вирусот, особено во затворен простор.
„Главен ризик за инфекција со ковид-19 е растојание помало од два метра, подолг контакт од 20 минути, зборување, кашлање, кивање и пеење за време на контактот. Избегнувајте таков вид контакти, а ако морате носете маска. Ова се сознанија научно и стручно докажани за сите респираторни инфекции уште пред 100 години, а важат и за ковид-19“, објаснува Пановски.
Тој ги искоментира и мерките на Владата за носењето заштитна маска на отворено и на затворено.
„Ресторан, кафе бар, исполнети сите услови за пренос, особено во затворен простор. Мерка на Владата на РСМ: Не треба маска! Пешачење на кеј, седење на клупа сам во парк, велосипед: Можен контакт поблиску од 2 метра во траење од 1 до 5 секунди. На планина, нива, можен контакт на дистанца од 10 метри. Мерка на Владата на РСМ: Задолжително носење маска. Кој не полуди тој не е нормален. Јас полудев, дали тоа значи дека сум нормален?“, пишува Пановски.
https://www.facebook.com/nikola.panovski.79/posts/2769213883345957
