Велика Британија испрати 60 експерти за пребарување и спасување во Мароко за да помогнат во напорите на земјата да се најдат преживеани, соопшти Форин офис.

Испратени се и четири кучиња, опрема за спасување и тим за медицинска проценка, заедно со два авиони на кралското воздухопловство од Министерството за одбрана.

– Ова е поразително време за жителите на Мароко, особено за оние кои изгубија најблиски или се исчезнати – изјави министерот за одбрана Грант Шапс.

– Обединетото Кралство презеде водечка улога во меѓународните напори за подобрување на операциите за пребарување и спасување – брзо движејќи се за да го распореди нашиот единствен стратешки воздушен транспорт, специјалисти и способности за помош. Цврсто стоиме со Мароко додека минува низ овој ужасен настан – рече тој.