Vestiplus.mk
+ Во тренд... МАКЕДОНИЈА ТОП ВЕСТИ

Бочварски: Зелените коридори успешен пример за регионална соработка

Иницијативата за „зелените коридори“, промовирана во регионот на Западен Балкан за време на здравствената криза, како привремен и брз одговор на тековната здравствена вонредна состојба, имаше за цел спречување на недостиг на неопходна стока и медицинска опрема.

„Оваа иницијатива се покажа како еден од најуспешните примери за регионална соработка. Нејзиното главно достигнување за зачувување на трговските текови во регионот, не само што имаше значителни економски придобивки, туку се покажа многу практични во однос на решавањето на итните потреби на населението во време на пандемијата“, истакна министерот за транспорт и врски Благој Бочварски, во рамки на министерскиот совет на Брдо кај Крањ.

На Министерскиот совет покрај министерот Бочварски, присуствуваа и министрите за транспорт на земјите од регионот, потписнички на Договорот за транспортна заедница, Република Албанија, Босна и Херцеговина, Република Косово, Република Србија и Република Црна Гора, како и претставници на Секретаријатот на Транспортната заедница и Европската комисија.

Тема на разговорите на Советот беа состојбите во транспортниот сектор во регионот, идните планирани активности, можноста за проширување на концептот „зелени коридори“ заради олеснување на транспортот со соседните земји членки на Европската Унија и безбедноста на патиштата.

Во рамките на своите заложби, потенцираше министерот Бочварски, Владата активно работи на формирање на Агенција за безбедност која ќе има цел зголемување на нивото на безбедност во транспортот преку воспоставување сигурен и безбеден транспортен систем за сите корисници.

Во рамки на Министерскиот совет, министерот Бочварски одржа билатерална средба со министерот за инфраструктура на Република Косово, Либурн Алиу, на која било разговарано за . изградбата на автопатот Скопје-Блаце, како и плановите во однос на изградба на заедничка железничка гранична станица.

Исто така министерот Бочварски оствари и работна средба со министерот за градежништво, сообраќај и инфраструктура на Република Србија, Томислав Момировиќ. На средбата двајцата министри разговараа за модернизација на патниот и железнички Коридор 10, како и изградбата на заедничката железничка станица на Табановце.

Можеби ќе ве интересира...

По признанијата во Титаник оставки да поднесат пратениците Николовски, Јанушев, Мисајловски и Милошоски

В+

Се плаши дека ќе биде отруен: Путин отпушти 1.000 вработени, меѓу кои готвачи, пералки, секретарки …

В+

147 санкционирани возачи на мотоцикли на територијата на цела држава

Vesti +

Сите често ја правиме оваа грешка кога правиме кафе – Внимавајте може да биде опасно по здравјето

Vesti +

283 санкции за брзо возење

Vesti +

СДСМ: Успешните економски политики резултираат со историски најниско ниво на невработеност од 16%

В+