Vestiplus.mk
+ Во тренд... МАКЕДОНИЈА

Бочварски на министерски состанок на Брдо кај Крањ: „Зелените коридори кортисни за населението во време на пандемија“

Министерот за транспорт и врски Благој Бочварски престојува во дводневна посета во Брдо кај Крањ, Словенија, каде учествува на Министерскиот совет во рамките на Транспортната заедница.

Тема на разговорите на Советот беа состојбите во транспортниот сектор во регионот, идните планирани активности, можноста за проширување на концептот „зелени коридори“ заради олеснување на транспортот со соседните земји членки на Европската Унија и безбедноста на патиштата.

Во своето обраќање министерот Бочварски го истакна примерот со т.н. зелени коридори кои беа воведени за време на пандемијата како успешен пример за брзиот транспорт на стока и медицински материјали се со цел избегнување на тесните грла на границите.

„Оваа иницијатива се покажа како еден од најуспешните примери за регионална соработка. Нејзиното главно достигнување за зачувување на трговските текови во регионот, не само што имаше значителни економски придобивки, туку се покажа многу практични во однос на решавањето на итните потреби на населението во време на пандемијата“, истакна министерот Бочварски.

Покрај овие теми на Министерскиот совет се дискутираше за новата Стратегија за одржлива и паметна мобилност од перспектива на Западен Балкан како и ажурирање на листата на европското законодавството и нивно прилагодување во членките на Транспортната заедница.

Во рамки на Министерскиот совет, министерот Бочварски одржа билатерална средба со министерот за инфраструктура на Република Косово, Либурн Алиу. На средбата двајцата министри разменија информации во однос на изградбата на автопатот Скопје-Блаце, како и плановите во однос на изградба на заедничка железничка гранична станица.

Исто така министерот Бочварски оствари и работна средба со министерот за градежништво, сообраќај и инфраструктура на Република Србија, Томислав Момировиќ. Двајцата министри разговараа за модернизација на патниот и железнички Коридор 10, како и изградбата на заедничката железничка станица на Табановце, како пример за добра регионална соработка.

На Министерскиот совет покрај министерот Бочварски, присуствуваа и министрите за транспорт на земјите од регионот, потписнички на Договорот за транспортна заедница, Република Албанија, Босна и Херцеговина, Република Косово, Република Србија и Република Црна Гора, како и претставници на Секретаријатот на Транспортната заедница и Европската комисија.

Во текот на утрешниот ден министерот Бочварски ќе учествува на Министерскиот состанок за прекугранично поврзување на земјите од регионот на Западен Балкан во рамки на словенечкото претседателство со Советот на Европската Унија

Можеби ќе ве интересира...

Средба на министерката Шахпаска со ССНМ: Медиумските работници се наши партнери во унапредувањето на работничките права

Vesti +

Наумоски: Го спасивме Хром, претходно секоја куќа беше потенцијална зграда

В+

Хуманитарната акција за спасување на авганистански граѓани се одвива по утврдениот план – уште 35 авганистански граѓани отпатуваа кон нивната трајна дестинација

В+

Приведен крадец во Охрид, фатен на дело

В+

Претрес во Охрид, пронајдена дрога, приведен дилер

Vesti +

Вчера беа попишани 114 308 лица

В+