“Не ја разбирам вообразеноста и коментарите на господин Таравари, со оглед на тоа што соработката ни е завршена уште вчера. Кадровски решенија може тој лично да си поставува во Гостивар, а не во Скопје“ – порача скопската градоначалничка Данела Арсовска.
„Со личност која напаѓа, која нема етички компас, оправдува во било која форма насилство и напад со огнено оружје како во вчерашниот инцидент и подгрева меѓуетнички тензии, нема основ да се соработува. Скопје е град на соживот, солидарност, во кој нашите сограѓани треба мирно и безбедно да живеат и да се почитуваат.” – порача Арсовска
Таравари вчера во ТВ емисија порача дека ќе предложи неговата партија Алијанса за Албанците да ја прекине соработката со Арсовска поради разрешувањето на директорот кој е брат на лицето кое беше фотографирано со пиштол.
